Gedicht von Rita Hottinger zur Verabschiedung von Bruno und Edith Flück
Erfreulicherweise hat Rita Hottinger zu Ehren der scheidenden Vorstandsmitglieder ein schönes Gedicht verfasst. Dieses hat sie an der Mitgliederversammlung vorgetragen, gefolgt vom Thurgauerlied, welches von allen Anwesenden kräftig mitgesungen wurde.
Liebä Bruno, liebi Edith
Ihr händs immer mit dä Finanzä
für dä Förderverein gha.
Das es allnä guet goht,
däfür sind mir dankbar,
und jetzt wönd ihr bi üs au goh
privat händ er d’Region au ä bizeli verloh.
Schad, mir chönds nöd ganz verstoh
Und doch, äs isch eso!
Veränderig mues sie,
do sind mir alli au debi.
Dä Spitex Förderverein Thurvita will dankä sägä,
wünscht eu vill Glück und Freud im witerä Läbä.
Äs isch äso, mä dörf au goh,
mä muä nöd frogä.
drum säged mir nomol dankä!
Dur dini Händ Bruno liefen in der Spitex
vieli, vieli tuusig Frankä,
du häsch das immer guet gmacht
s’git sicher mol än feini Z’nacht,
au dich Edith schlüssed mir i,
bisch immer für üs do gsi.
Mir schätzed eu sehr,
s‘isch immer guet gangä
d’Finanzä händ gstummä
das isch euä Job.
Wenn da nöd so wär
hettäd mir än Flop.
Mir verwaltet s’Geld
vo üsnä Mitglieder
und treuä Spänder,
das bruchet mir,
susch wäred mir nöd
uf däm guetä Sänder.
Mol Geld usgeh wenn alläs isch guet
susch dä Hahnä a ziä,
das muä üsän Vorstand machä
ohni Kontrollä händ mär i dä
Öffentlichkeit gar nüd z’lachä!
Mir säged tschüss und toi, toi, toi
I hoffä ihr bringed euä Terminplan trotzdem voll.
Will üsan finazchef usäm Thurgau chunt
händ mir hüt Obig Muet und hoffed s’täg der guet.
Mir stimmed s’Thurgaulied a,
ihr mönd jetzt eifach Freud ha dra!
Ich ha Freud wenn dä ganzi Saal mitmacht.
S’Thurgaulied und da underem St.Gallische Thurvita Dach.
Verfasst von Rita Hottinger
Erika Wenger 03. 05. 2018
